અંબાજી મંદિર ખાતે ભક્તોની ભારે ભીડ, દર્શન માટે ખાસ વ્યવસ્થા

બનાસકાંઠા જિલ્લાના અરાસુરી અંબાજી માતાજીના મંદિરમાં શ્રદ્ધાળુઓનો મોટો મેળાવડો જોવા મળી રહ્યો છે. મંદિર ટ્રસ્ટ દ્વારા દર્શન માટે વિશેષ રેલિંગ અને છાંયડાની વ્યવસ્થા કરવામાં આવી છે. ગર્ભગૃહમાં દર્શનનો સમય પણ લંબાવવામાં આવ્યો છે જેથી લાઈનમાં ઉભેલા તમામ ભક્તો શાંતિથી દર્શન કરી શકે. જય અંબેના નારાથી આખું અંબાજી ગુંજી ઉઠ્યું છે.